Финик эмнелерди кыла алат
Бир эле интеграция менен Кыргызстандын бардык каржы тиркемелеринен төлөм кабыл алыңыз
Finikти кошуу менен кардарларыңыз телефонундагы каалаган банктык тиркемени колдонуп төлөй алат, төлөө ыкмалары менен чектелбейт. Ошол эле учурда, компанияңыз ар бир банк менен өзүнчө кошулуп, тейлеп же салыштырып отуруунун зарылдыгы жок. Бул убакытты бир топ үнөмдөп, операциялык чыгымдарды азайтат.
Кардар үчүн эң ыңгайлуу жана ылдам төлөм процесси
Биздин төлөм баскычтарыбыз жана бирдиктүү QR аркылуу төлөм процесси болгону 3 кадам да бүтөт. Банк картасынын маалыматын, телефон номерин, кодду, SMSти киргизүүнүн кереги жок. Бул бизнес үчүн абдан маанилүү, анткени ал сатуу конверсиясын жогорулатат жана төлөм учурунда кардарлардын чыгымын азайтат.
Каражаттардын заматта түшүшү
Кардарларыңыздын акчасы эч кандай кечигүүсүз дароо Finik корпоративдик эсебиңизге түшөт. Сиз акчаңызды дароо башкарып, каалаган убакта Finik жеке кабинетинен колдоно аласыз.
ЖЧК “Квикпэй Системасы”
22 400
c
Манчо Мектеби Курсу
278 000
c
Толуктоо
1 000
cБардык маалыматтар менен ыңгайлуу жеке кабинет
Сиз телефон же компьютер аркылуу 24/7 жеке кабинетке кире аласыз. Ал жерде эсептер жана төлөмдөр боюнча бардык маалымат: транзакциялардын тарыхы, фильтрлер, экспорт, аналитика, ийкемдүү уруксат деңгээлдери — баары колуңуздун учунда.
Каалаган банктагы эсебиңизге комиссиясыз акча чыгаруу
Finikтен акчаны каалаган убакта банктагы эсепке жеке кабинет жана мобилдик тиркеме аркылуу комиссиясыз чыгара аласыз. Мындан тышкары, биз сиз үчүн ыңгайлуу график түзүп бере алабыз.
Каалаган системаларга жана тиркемелерге тез интеграция
Даяр төлөм модулдарыбыз (SDK) жана ачык API быз аркылуу Finikти каалаган системага интеграция кылууга болот: веб-сайт, мобилдик тиркеме, Telegram-боттор, CRM/ERP, 1С, кассалар, терминалдар — Finik бардык системаларга жеңил кошулат жана callback/webhook жана redirect механизмдерин берет. Төлөм аяктагандан кийин, төлөм статусу сервериңизге автоматтык түрдө келип түшөт.
Өтө ыңгайлуу төлөм шилтемелери
Finik аркылуу төлөм шилтемелерин түзүп, аларды WhatsApp, Telegram, Instagram, социалдык тармактар, SMS жана email аркылуу жөнөтсөңүз болот. QR скриншотун алуунун кереги жок. Төлөм болгону бир нече кадамда аткарылат жана бул сиздин бизнесиңизди кардарлар үчүн өтө ыңгайлуу кылат.
Ар бир төлөмдү идентификациялоо
Finik аркылуу ар бир төлөмдү аныктай аласыз: кайсы кардар, кайсы заказ, кайсы товар же кызмат үчүн. Ар бир төлөмгө кошумча маалымат тиркеңиз, ошондо төлөмдү 100% туура иштете аласыз. Кардардан чек жөнөтүүнү сурануунун кереги жок. Бул аналитика жана бухгалтерия үчүн да абдан ыңгайлуу.
Комиссиянын заматта кармалышы
Finik комиссияны ошол замат өзүнчө транзакция менен кармайт. Бул ыңгайлуу, анткени: 1) эсептин балансы ар дайым так көрүнүп турат жана төлөм системасына карыз болбойсуз; 2) бухгалтерия үчүн да жеңил, анткени бардык түшүүлөр жана комиссиялар өзүнчө көрсөтүлөт.
ЖЧК “Манчо”
100
c
Комиссия чыгымдары
2
cКызматкерлерге эсептерге ийкемдүү жеткилик берүү
Сиз кызматкерлерге корпоративдик Finik эсептерине ар кандай деңгээлдеги уруксат бере аласыз: баланс көрүү, транзакциялар тарыхын көрүү (кирүүчү жана чыгууучу өзүнчө), төлөм жасоо, төлөм түзүү, эсеп түзөтүү, башкаларга жеткилик берүү жана башка көптөгөн мүмкүнчүлүктөр.
Чектөөсүз эсептер. Кошумча төлөмдөр жок
Биздин корпоративдик кардарлар чексиз сандагы эсептерди түзө алышат жана ар бир эсеп үчүн кошумча төлөм төлөбөйт. Бул көптөгөн филиалдары жана долбоорлору бар компаниялар үчүн абдан ыңгайлуу.
Жашыруун чыгымдарсыз бирдиктүү комиссия
Finikти кошуу менен ар бир түшкөн төлөм үчүн бирдиктүү комиссия төлөйсүз жана ал ошол замат кармалат (бардык салыктар менен). Жашыруун комиссиялар, абоненттик төлөмдөр же акча чыгаруу үчүн төлөмдөр жок.
Finik жеке кабинетинен 1,000ден ашуун кызматка төлөө
Finik жеке кабинети жана тиркемеси аркылуу түздөн-түз 1,000ден ашуун кызмат үчүн төлөй аласыз: банк кызматтары, мобилдик операторлор, интернет жана ТВ, коммуналдык кызматтар, мамлекеттик кызматтар жана башка көп нерселер.
Компанияңыз үчүн кастомизация жана персонализация
Компанияңыз өзүңүздүн атыңыз менен төлөм шилтемесин ала алат (мисалы: qr.finik.kg/companyname), ошондо кардарларыңыз сизди оңой таба алышат.
Ишенимдүүлүк жана коопсуздук
Системабыздын архитектурасы жана инфраструктурасы каалаган жүктү көтөрө ала тургандай курулган. Стресс-тесттерде система секундасына 1 миллион транзакцияны иштете алат. Ошондуктан майрам күндөрү да миңдеген төлөмдөр үзгүлтүксүз жана так иштетилет.
Аналитика жана статистика
Finik аркылуу келген ар бир транзакция боюнча толук аналитика ала аласыз. Мындан тышкары, ар бир төлөмгө кошумча параметрлерди берип, кийин алар боюнча аналитика жана статистиканы көрө аласыз. Бул бизнеске төлөмдөр дү гана эмес, аналитиканы да көзөмөлдөөгө жардам берет.
Кардарларга акчаны кайтарып берүүнүн ыңгайлуу механизми
Эгерде кардарга акча кайтаруу керек болсо, Finik жеке кабинетинен каалаган убакта Кыргызстандагы каалаган банктын жеке эсебине акча кайтарып бере аласыз. Бул процессти толук көзөмөлдөөгө мүмкүндүк берет.
100% Кыргызстанда жасалган
Quickpay — Бишкекте негизделген жергиликтүү компания. Биз толугу менен улуттук компания болуп, Кыргызстандын экономикасынын өнүгүшүнө салым кошуп келебиз.
